افضل ادوات صيانة جهاز الكمبيوتر

.....

كان فى بنوتة عايشة حياتها عادى جدا زى كل البنات , بتاكل وتشرب وتذاكر وتتفسح مع اصحابها وكل حاجة ماشية عادى جدا , لحد اما قابلت شاب اكبر منها بفارق كبير واتعلقت بيه وبقت بتحبه ولكن قصة الحب دى اللى عايشاها بطلتنا كانت فى المرحلة الثانوية , المهم بطلتنا اتعلقت بالشخص ده جدا وكانت بتحبه جدا وكانت بتعمل حاجات كتير عشان خاطره , بتشترى هدايا غالية وحاجات تانى كتير , وفى يوم من الايام حصلت مفاجأة ماكانتش على بال بطلتنا ابدا , الشخص ده اتصل ببطلتنا وقال لها انهم لازم يقطعوا علاقتهم مع بعض لأنه وقع فى حب انسانة تانية ومش هايقدر يكمل مع بطلتنا , طبعا بطلتنا لأنها شخصية كبريائها عالى جدا ردت بالموافقة وان فعلا العلاقة هاتنتهى , ولكن للأسف بطلتنا مقدرتش تنساه بسهولة , وبعد فترة اتصل الشخص ببطلتنا تانى وطلب منها انهم يرجعوا لبعض تانى ولكن بطلتنا رفضت رفض تام وقالت ان الموضوع منتهى ومافيش اى امل انهم يرجعوا لبعض تانى...... وفى الفترة دى بطلتنا اتعرفت على شاب معاها فى الجامعة والشاب ده اتعلق بيها جدا ووقع فى حبها من اول نظرة وفى فترة سريعة جدا وصلت بطلتنا لمكان فى حياة الشاب ده , مكان ماحدش يقدر يوصفه او يقرب منه , بطلتنا وصلت لأعلى مكان فى حياة الشاب ده , والشاب ده بالفعل راح اتكلم مع بطلتنا بعد ما شاف بطلتنا بشهر واحد.... وقال لها انه بيحبها وبالفعل هو بيحبها حب حقيقى , ولكن بطلتنا بعد ما كانت موافقة على الموضوع انهم يكملوا , اتكلمت مع الشاب ده وقالتله انها مش حاسه بأى حاجة من ناحيته , رغم ان كل اللى حواليهم قالوا لبطلتنا ان الشخص ده شخص كويس والاهم من كده انه بيحبك بجد , لكن بطلتنا تراجعت عن الموافقة وقالت للشخص ده انها مش حاسة بأى حاجة من ناحيته حاليا , وان المشوار قدامهم لسه طويل وانهم هايتعرفوا على بعض اكتر فى فترة الجامعة واتفقت مع الشخص ده انهم يتعاملوا معاملة الاصدقاء , ولكن الشخص ده لسه بيحبها وبيحبها بجد كمان انما بينه وبين نفسه , وكل ما يلاقى فرصة يحاول يقرب من بطلتنا وبالفعل كل المحيطين اجمعوا على ان الشخص ده بيحب بطلتنا حب حقيقى ومازال الشخص ده بيحاول مع بطلتنا ولكن بطريقة غير مباشرة لأن الشخص ده خايف بطلتنا ترفضه للمرة الثانية ومازالت بطلتنا حتى الأن لم تقم بأى خطة ناحية الشخص ده وبتتعامل معاه على انهم اصدقاء رغم انه بيحبها بجد ونفسه يشاركها حياته وعمره اللى جاى و....... وياما فى الحب مظاليم....

[/center]