ياغاليه بهديك نبضي على الباب اكتاب
اقري شعوري بالورق واذكريني ..

كتبت لك والحبر من دمع الاهداب
دمع يسطر ماخفى في كنيني ..

دمع من اعيوني يهاجرلك اسراب
ويكتب على وجه الورق قدريني ..

حبي وحبك ماوقف عند الاعجاب
اكتبك حب وبالغلا تقرأيني ..

وحيد من دونك ولو حولي اصحاب
تايه ولاغيرك يقدر حنيني ..

تراي انا وانتي بهالعالم اغراب
ارجوك من نابض حنانك عطيني ..

وان كان في قلبك على قلبي اعتاب
وللحين باسباب الخطاء تكرهيني ..

برحل مع العدوان ولو كانو اقراب
واغليك لو طال الزمن والسنيني ..

برحل وقلبي لك عن الحب ماتاب
وادري برغم اللي حصل تعشقيني ..

وإن كان متت وحلمنا باللقاء خاب
ارجوك من صاف الوفاء كفنيني..

وخلي عطورك داخل القبر تنساب
وتكفين من قبل الدفن عطريني ..

وبيني وبين الرمل شالك لي احجاب
ومن زاهي اوراق الورود ادفنيني ..

ثم اكتبي شعري على القبر بخضاب
كفٍ عن اجروح الزمن محتويني ..

قولي رحل ودموع عينه على الباب
وصوته يردده الصدى (سامحيني) ..

وفي كل ليله مظلمه نورها ماغاب
اسري لقبري واجلسي وهرجيني ..

خليك قربه لو تشوفينه اتراب
وتخيلي كفك شبك في يديني ..

واحكي لقبري عشقنا حكي بسهاب
وغني حروف اسمي لحن واطربيني ..

وان طال جرحك ياهواء البال ماطاب
هلّّّي دموعك للقبر واغرقيني ..